حظك إن مش جاي لي نوم ، عايزك بس تبص على ألبوم الصور إلى مكون من كوكتيل جميل لصور ميشيليات للإخوان المسملين فى الأزهر و إلى ذاع صيت و ضجة عالية فى مصر من عدة سنوات

أسمع الصلاة على النبي كدا قبل ما نتفرج









بالذمة دا منظر متحضر لطلبة فاكرين نفسهم فى أفغانستان ، عاملين زى الـ ..... ، و في الآخر نزعل لما الغير مسلمين يقولوا علينا إرهابيين ، للأسف بسبب أفعالنا المتخلفة مثل ما موجود فى الصور السابقة بنوصل لهم أسوء صورة ممكنة عن الإسلام و نساعدهم على تثبيت هذه الصورة و علاقة الإسلام بالإرهاب

يوم القيامة لما ربك يحاسبك مش حايحاسبك و يقولك إنت كنت تبع الإخوان و لا السلفيين و لا العلمانيين ، ربك حايحاسبك حسب أعمالك و ليس حسب إنتمائك لجماعة أو حزب

و بصراحة أنا عن نفسي أقدر أخلص هذا النوع من المواضيع فى جملة واحدة : محاولة فاشلة لتحسين مظهر الإخوان و إخراجهم فى صورة الأبطال و حماه الوطن

صعب جداً إن الواحد ثقته ترجع فى الإخوان مره أخري بعدما إهتزت بداخله

أستغفر الله العظيم يارب .. الواحد بيمسك نفسه على آخر لحظة علشان مش يزعل حد منه و بيعمل بأصله برضه

و شكلي كدا كمان شويه حاندم إنى دخلت موضوع زى دا ، كنت عملت زى الباقي و ريحت دماغى من الوجع دا كله والكلام الكتير ، يلا بس الواحد مش بيتعلم ببلاش برضه