لا حول ولا قوة إلا بالله العلى العظيم
يا حبيبى اولا انا مش منهم بس معجب بأفكارهم ومبادئهم وشعاراتهم ومعجب بشخص حسن البنا رحمه الله إمامهم الذى لم أعرف شىء عنه إلا كل خير
اللى مش بيقبل النقد هو السلفيين اللى التشدد فى دمهم وبيعقدوا الدين رغم انه الدين سهل مش معقد وواضح انك منهم
وبعد تنحى مبارك بأيام دار بينى وبينى واحد سلفى حوار عن حاجتين الثورة واللحية

اقتبـاس ،،
أنا: يا شيخ انا عاوز اسألك على حاجة
السلفى: تفضل يا ضياء إسأل
أنا: اللحية سنة والسنة تاركها لا يأثم لأنها مجرد سنة مش فرض
السلفى: لا تاركها يأثم لأنها سنة مؤكدة ورسول الله قال قصوا الشارب ودعو اللحية وفى حديث تانى قال أعفوا اللحية
أنا: بس برضه دى سنة فى الأول والآخر واللى يؤديها يؤجر واللى يتركها لا يأثم
السلفى: السنة المؤكدة مثل الفرض
وبعدين اتكلمنا شوية عن الثورة
السلفى: الصورة من البداية غلط لأن الخروج على الحاكم حرام
أنا: طيب لما يكون ظالم
السلفى: نصبر عليه
أنا: وهو ربنا ليه شرع الجهاد طيب أصلا؟ مش علشان الواحد يدافع عن حقه عن أرضه عن ماله عن عرضه عن أى حاجة يملكها هو أو أخوه المسلم أو جاره حتى لو كان مش مسلم؟
السلفى: الجهاد مش ضد الحاكم لأنه الخروج على الحاكم حرام حتى لو كان ظالم وشوف مات كام واحد فى الثورة دى كام
أنا: طيب وايه يعنى كل حرب بيموت فيها آلاف ودول شهداء ودلوقتى هما فى الجنة طبعا
السلفى: مين قال لك انهم شهداء؟ ، انتا تعرف نية كل واحد فيهم ايه؟
أنا: لا طبعا ما اعرفش النوايا ، لكن لما ينزل يطالب بحقه ويدافع عن حقه ده مش يبقى مجاهد فى سبيل الله ولو مات يبقى شهيد؟
السلفى: على حسب النية
أنا: طيب سيبك من الناس اللى نزلت فى الثورة ، هو برضه مش أعظم الجهاد كلمة حق عند سطلان جائر؟ والمشايخ السلفيين اللى كانوا شايفين الظلم وساكتين دول مش حرام عليهم؟ كان المفروض يعملوا زى الاخوان يحاربوا الظلم
السلفى: والاخوان قدروا يعملوا حاجة من بعد موت حسن البنا لغاية دلوقتى ، كلهم اتقتلوا واتسجنوا وكانوا بيتعذبوا فى أمن الدولة ، والثورة هما عملوا حاجات كتير فيها لكن مش هما السبب فيها