المشاركة الأصلية كتبت بواسطة: ahmedyahia87 بدل ما تسأل حد عن حكم اللحية روح لأي كتاب فقه من الكتب المعروفة وأقرأ كده الاول وتعالى قولي كاتبين ايه

بص يا أخى ، أحسن حاجة فى الإخوان هو انى لما كنت عاوز أنضم للجماعة سألت واحد منهم وعلى طول أول حاجة سألنى على الصلاة والعبادة وانا قلت له لا فيه أوقات كتير مش بأصليها وساعات بتعدى أيام وأسابيع مش بأصلى
بعدين هو قال لى حاول تنتظم فى الصلاة ونظم وقتك لأنه عارف انى كنت بأكسل و الكمبيوتر بيلهينى عن الصلاة وقال لى اهتم بالعبادة وحاول على قد ما تقدر ما تقوتش فرض وما تخليش فرض يجى على التانى تصلى كل وقت قبل التانى ويستحسن صلاة جماعة فى المسجد ومينفعش إخوان ايه وانتا مش بتصلى أصلا
، إنما السلفى أول حاجة يقولها اللحية ، وحصل مع واحد صاحبى انه اتلم على شوية سلفيين وشوية شوية خلوه يدخل الجامع ويصلى وعلى فكرة الواد ده انا قلت خلاص شوية وهيكفر
أول حاجة لما دخل يصلى وهو بيتوضأ واحد منهم قال له وضوءك غلط اتوضأ تانى ووقتها كانت قامت الصلاة وبعد الصلاة واحد تانى منهم هما برضه قال له صلاتك باطلة لأنه كان لابس تى شيرت
الواد بعد ما مشى وطلع من الجامع وسابهم حلف انه ما يقعدش تانى معاهم وفضل يسب ويلعن فيهم وفى الصلاة وفى اللى يصلى تانى أو يقعد معاهم
انتو يا حبيبى والله العظيم بتخلوا الناس تكره الدين بالتشدد ده
يعنى التشدد مش كويس والله والدين يسر مش عسر والعبادة علشان تبقى سهلة لازم تبقى عادة الأول وعلشان تبقى عادة 40 يوم متواصلة مفيش فرض يترك وده بالنسبة لتارك الصلاة صعب جدا جدا جدا وخصوصا فى الزمن اللى احنا عايشين فيه دلوقتى