المشاركة الأصلية كتبت بواسطة: ahmedyahia87 طبيعي المتميع يقول على غيره متشدد هم تعودوا وعودوكم على الدين المتدمين الدين بتاع عمورا وخلودا
شباب روش لابس تيشرت وجينز وويطلع يعمل فيها داعية
أنتوا عايزين الدين بالمنظر ده
دين لا يقولك الموسيقى حرام ولا الأفلام غلط بس يقربلك المسافات
الموسيقى خلوها مسألة خلافية علشان يحللوها ، وهناك فن هادف ( وطبعاً عمرنا ما شوفناه أبداً الفن الهادف ده ولا هنشوفه لأنه مش موجود أصلاً )

قول لصاحبك دين ربنا مش تقطيع وتلزيق

الأمر أكبر من مسألة لحية الأمر أكبر مما تتصور وطبعاً الشباب الروش مش هيفهم الحاجات دي ، فكفاية عليك لغاية كده

يا أخى يا ريت قبل ما ترد تخلى الكلام يمر على دماغك وتفهم المقصود منه ، مش بس تهاجم والسلام وياريت تتكلم بأسلوب أحسن من كدة
الإخوان من أهم أهدافهم انهم يبعدوا الناس عن الحرام ويدلوهم على الحلال قبل ما ترد ياريت تشوف المقطع ده اللى بيتكلم فيه الشيخ الألبانى عن حسن البنا
وصاحبى ده اللى بأقول لك عليه فاسد فعلا بس الإخوان يقدروا يصنعوا منه داعية إسلامى إنما السلفيين هيخلوه يكره الدين وده مجد مثال

وياريت تفهم بقى انى لغاية دلوقتى مش منهم ، أنا بس مقتنع بأفكارهم
بالنسبة للأغانى الهابطة اللى بتتكلم بس الحب بالطريقة الغربية اللى هو بس حب وأحضان وشوق وبعدين يجيبو العيال وفى الاخر يتجوزو يبقى دى حرام
انما الأغانى الدينية فعلى ما أظن والله أعلم انها حلال 100% وأنا مش داعية ولا عالم ولافقيه ولا حافظ للقرءان ولا السنة ، لكن أنا فاهم الدين ولله الحمد
بالنسبة للكليبات والأفلام الهابطة دى حرام 100% انما فيه أفلام كتير حلال 100% زى الأفلام الإسلامية والأفلام الوثائقية وغيرها انما الأفلام العربى اللى فى نهاية الفيلم البطل يتجوز البطلة بعد ما يخربوا الدنيا ويجيبوا عيال الأول فده حرام 100% والأجنبى اللى فيه بنات كاسيات عاريات وما شابه ذلك حرام 100%