- الرئيسية
- ما الجديد !
-
الصفحات▼
الصفحات
حملة تخفيض أسعار الانترنت في مصر
-
25-02-2011 11:12 مساءً
-
معلومات الكاتب -
السلام عليكم ورحمة الله وبركاتة
الموضوع ده يشغل بالي من فتره
واللي شجعني اني اكتبه اني وجدت حمله عليا لفيس بوك بنفس الاسم وهي تخفيض اسعار الانترنت في مصر
بصوا ياجماعه ..طبعا الانترنت هو المتنفس الوحيد للشعب المصري دلوقتي
ومصر من أغلى دول العالم فى أسعار الأنترنت وفى المقابل أسوء خدمه في العالم تقريبا
ودي صورة لتوزيع سرعات الانترنت لاول 20 دولة فى العالم و اسعارها
[/IMG]
ياريت كلنا نركز في الصورة وانا هاحاول اوضحها
الصورة بتقول ان اعلي دوله في العالم في الانترنت في اليابان
وسعر الانترنت فيها في الشهر 1 ميجا بحوالي جنيه مصري او اقل
وكوريا بحوالي 2 جنيه
وفي معظم الدول الاوروبيه سعر الانترنت 8 ميجا بايت بحوالي دولار الا 2 سنت يعني حوالي 5 جنيه مصري
وطبعا السرعات هناك برود باند واتصال سريع طول السنه وبدون انقطااااااااااع
في المقابل ننظر الي مصرنا الحبيبه ... نت ذي الزفت ..والشركه بتدي سرعه 512 ب 95 جنيه وعلي ماتوصلنا من الموزعين تبقي 120 جنيه
وانا واحد من ضمن الناس واخد خط 512 لوحدي وبدفع 120 جنيه في ا لشهر لأن المكان اللي فيه مفيهوش موضوع الوصلات ده
وعلي حد معلوماتي ان نظيف باشا لما كان وزير الاتصالات واتكلم عن نظم المعلومات والاكسيليفون وكان بيتكلم عن الطفرات اللي هاتحصلفي مصر في الاتصالات ....فعرفت بعد كده ان سعر الميجا لا يتعدي 22 جنيه
ولكن الشركات والعمولات والرشاوي وغيره وغيره وغيره هي اللي بتوصل سعر الميجا الي 145 جنيه
ولقيت خبر عن شركة بريطانيه مكتوب فيه ::
شركة broadbandchecker.co.uk البريطانية
فان اسعار الانترنت لديها السرعة 8 ميجا بسعر 4.99 استرلينى بمعادل مصرى والان سعر الاسترلينى 949.77 قرشلم يكمل ال 10 جنية بمعنى انك لوهتحسبها لنفترض انها 5 استرلينى بسعر 50 جنية مصرى
يعني سرعه 8 ميجا بايت ب 50 جنيه وبس ........ يابلاااااااش
تعرفوا ياجماعه ان سرعة 1 جيجا (( يعني 1000 ميجا )) ودي موجوده في اليابان ودي سعرها 56 دولار شهريا
يعني حوالي 310 جنيه مصري ... ونجد في مصر ان ال 4 ميجا سعرها 350 جنيه
وان خدمه النت الهوائي اللاسلكي مفتوح مجانا في معظم دول العالم .. الا مصر ..
فهو نت خنيق ورخم وممل وبيفصل وتقريبا ممنوع اساسا لان مفيش عليه رقابه من الموزعين والسيرفرات
وليه يكون اقصي سرعه انترنت في مصر هي 24 ميجا بايت بس ودي بسعر 1950 جنيه
في حين ان معظم الدول السرعات فيها تصل الي 1000 ميجا بايت او يزيد
الحقيقه ان احنا قاعدين ناخد علي قفانا من الشركات دي ومن المسؤولين السابقين والنظام الفاسد اللي ذهب بلارجعه ان شاءالله
وكنا ضحايا شركة المصرية للاتصالت اللي بقت شبكة واحده بتخنقنا كلنا وبتسرقنا كلنا وايضا شركات المحمول اللي بتنزل النت وفلاشات نتوسعرها ارخص من كده مليون مره لكن متقدرش تزود عن الشركة المصرية ولا شركات الانترنت
فاحنا نطالب شركات الانترنت الحراميه بالمساواه بينا وبين معظم دول العالم مع ان المفروض نكون احنا ارخص منهم
لأن متوسط دخل الفرد في اوروبا حوالي 20000 الف جنيه مصري ..... في حين ان متوسط دخل الفرد المصري حوالي 500 جنيه او اقل
وبماا ن هذه الشركات ليس لها اي وظيفه الا نقل البيانات من كابلات الانترنت العالميه
يعني مبيخسروش اي حاجه ولا بيدفعوا اي حاجه يبقي المفروض مياخدوش اكثر من حقهم
ونطالب ايضا بوجود بني ادمين بتفهم في خدمه العملاء والدعم الفني .. اي نعم هم بيكلمونا باحترام لكن لايفقهوا اي شئ في الانترنتويقولك ايوة يافندم المشكله هاتنحل خلال يومين ولما ميحصلش اي حاجه تتصل تاني يقولك هو انت اشتكيت اصلا قبل كده
واعتقد ان لما اسعار النت في مصر ترخص وتبقي معقوله ..الشركه هاتعرف تقضي علي الوصلات اللي بتشتكي منها والعملاء بتوعهاهايزيدوا لما يلاقوا الاسعار محترمه
ملحوظة بسيطه :: انا اتكلمت عن مصر ...لأن فيه بعض الدول العربية اسعار النت فيها ذي مصر ويمكن اكثر واغلي من مصر بكتير...وفيه بعض الدول اقل من مصر طبعااااا
كفايه ظلم بقي وكفايه سرقه وكفايه المليارات اللي سرقتوها مننا وربنا يهديكم ويكون فيه استجابه ان شاء الله
:. الموضوع الاصلى: حملة تخفيض أسعار الانترنت في مصر | المصدر:منتديات شبكة ميجا العربية | كاتب الموضوع: عمار العمرانى .:
-
-
حملة تخفيض أسعار الانترنت في مصر25-02-2011 11:33 مساءً [5]
-
معلومات الكاتب
-
المشاركة الأصلية كتبت بواسطة: la3b.co.cc
لا تعليقسرعة 512 unlimited بسعر 95 ج.م شهرياً سعر معقول بالنسبة لى ، دا انا حتى بفكر أضاعف السرعة لـ 1 أو 2 ميجا
-
-
حملة تخفيض أسعار الانترنت في مصر25-02-2011 11:52 مساءً [6]
-
معلومات الكاتب -
المشاركة الأصلية كتبت بواسطة: عمار العمرانى
شكلك غنى ادفع انت براحتكالمشاركة الأصلية كتبت بواسطة: la3b.co.cc
لا تعليقسرعة 512 unlimited بسعر 95 ج.م شهرياً سعر معقول بالنسبة لى ، دا انا حتى بفكر أضاعف السرعة لـ 1 أو 2 ميجا
اما احنا محتاجين التخفيض فعلا بارك الله فى من طرح الموضوع
-
-
حملة تخفيض أسعار الانترنت في مصر26-02-2011 12:02 صباحاً [7]
-
معلومات الكاتب
-
المشاركة الأصلية كتبت بواسطة: m_rezk2000
نعم يااخى احنا نحتاج تحفيض الاسعار وتقديم خدمات انترانت جيدة وبعقود ممتازة ونعترف بشى اسمة احتكار نتالمشاركة الأصلية كتبت بواسطة: عمار العمرانى
شكلك غنى ادفع انت براحتكالمشاركة الأصلية كتبت بواسطة: la3b.co.cc
لا تعليقسرعة 512 unlimited بسعر 95 ج.م شهرياً سعر معقول بالنسبة لى ، دا انا حتى بفكر أضاعف السرعة لـ 1 أو 2 ميجا
اما احنا محتاجين التخفيض فعلا بارك الله فى من طرح الموضوع
-
-
حملة تخفيض أسعار الانترنت في مصر26-02-2011 12:43 صباحاً [9]
-
معلومات الكاتب -
المشاركة الأصلية كتبت بواسطة: عمار العمرانى لا تعليق
ههههههههههههه مالك يعم أنا لو عليا مش عايز أدفع حاجه
المشاركة الأصلية كتبت بواسطة: m_rezk2000 شكلك غنى ادفع انت براحتك
اما احنا محتاجين التخفيض فعلا بارك الله فى من طرح الموضوعالغنى هو الله ، لكن الموضوع و ما فيه إن الأسعار تلقائياً حاتنزل بس شويه لما الأمور تهدى جداً فى مصر و ساعتها حاتفتكرونى
-
تم تحرير المشاركة بواسطة :ezzeldean بتاريخ:26-02-2011 12:43 صباحاً
-
-
حملة تخفيض أسعار الانترنت في مصر26-02-2011 01:25 صباحاً [12]
-
معلومات الكاتب
-
المشاركة الأصلية كتبت بواسطة: m_rezk2000 نفتكرك من غير حاجة ياباشا شكرا على توضيحك
لما نشوف
المشاركة الأصلية كتبت بواسطة: OROCHY-SAMA
حاليا أنا بالمغرب مشترك خط ADSL
1ميغا بـ 99 درهم
يعني حوالي 12 دولار
تقربياً من 70 إلى 80 ج.م ، الفرق مش كبير يعنى