كنا فى ضلمة ... كنا فى عتمة .... كنا فى حيص .. كنا فى بيص ..
كل واحد كان فينا همه يمشى جنب الحيط .
كل واحد كان فينا كل همه يلحق نقطة المية اللى نازلة ... عشان يقدر يعيش .
أوعى تتكلم فى أى حاجة ... أوعى تطلب أى حاجة ... انت كدة تبقى أفتريت .
كل واحد كان فينا ..... بيقول يلا نفسى ومليش دعوة بالغير .
كل واحد بيقول لأخوه ... ياعم عيش بأى حاجة ... واحمد ربنا أنك عايش .
مكناش بنشوف نهار ... كل ليل .... كله ضلمة .... كله عتمة .... والليل محا النهار .
كنا شايفين الفساد .... لكن الجبن مالى القلوب .
كنا عايشين فى ظلام ... وربنا وحده المعين .
كنا عايشين ... ومش عايشين كنا جبنا ... كنا خائفين .
زرعوا فى قلوبنا الخوف .... زرعوه فينا من سنين .
أياك فى يوم تشاور أو تلمح على المفسدين .
لكن مين يقدر يقول ... أو كان مين يقدر يثور .
كنا عايشين فى غابة .... كنا عايشين فى كأبة .
القوى داس على الضعيف والكبار أكلوا الغلابة .
كان فيه فساد .... آه .... كان فيه .
كان فيه ظلم .... آه .... كان فيه .
كان فيه .... وكان فيه .... وكان فيه ....
بس كان مين يقدر يقول ....
غيبونا .. وغممونا .. كممونا .. حسبنا الله ونعم الوكيل .
وأخيرا طلع النهار ....
شفنا شمس بتشرق بعد طول أنتظار ....
وبقدر القادر ... الليل أصبح نهار ...
شفنا فيه قلوب بتنبض بعد ما ردت فيها الحياة ....
شفنا فيه عيون بتبصر بعد ما زال الغمام ....
شفنا فيه أفواه بتحكى على اللى حاصل من زمان ....
شفنا فيه وجوه بتبتسم بعد ما عنها الهم زال ...
شفنا فيه شجر بيثمر بعد ما جفت نواه ...
شفنا فيه طفل بيتولد بعد عقم ... يا ولداه ...
وأخيرا جفت دموعنا ....
نقدر نقول .... آه
نقدر نعبر .... آه
دلوقتى نقدر نقول ..... أحنا بنحب الحياة ...
