تابع بحملة** لا لمشاهدة المسلسلات فى رمضان

مع إحترامى لكل الناس و أولهم إنت يا حسان و إعذرنى إنى بقولك حسان على طوول بس إحنا بقينا إخوات و كل الأعضاء هنا أصبحوا إخواتى ، و حتى لا أكون منافق فأنا شايف إن لو الواحد قدر يوازن بين الترفية و العبادة يكون أحسن ، يعنى بدل ما يتفرج على 10 مسلسلات و دا مستحيل طبعاً لأ يتفرج على مسلسل أو إثنين زى ما أنا نفسى بعمل ، أحاول أرفه عن نفسى بمسلسل ليه هدف زى مسلسل قصص القرآن للفنان يحي الفخرانى إلى بيحيى فى روح أولادنا التراث الدين و بينمى الدين جواهم و مسلسل تانى يكون برضه محترم و يكون ليه هدف أو برنامج ترفيهى أضحك و أشيل الهموم من قلبى ، و باقى الوقت أمارس حياتى و عبادتى لله وحده ، و الموضوع مش مسلسلات بس فمع إحترامى ليك للمرة التانية يا حسانلكن ممكن ماتفتحش التلفزيون أصلاً لكن مش بتفتح قلبك لربك و بتقعد ع النت ساعات كتير مع العلم إن النت بيخطف الوقت أكتر من التلفزيون ، فلو حاتبعد عن المسلسلات يبقى تبعد عن النت و الأغانى و السب و العصبية و كل حاجه و تتكون مثالى ودا مستحيل طبعاً لإن المثالية و الكمال لله وحده ...


و إعذرنى يا حسان على تطفلى فى الموضوع ، و تحياتيـ للجميعـ

لا يوجد زعل منك عزيزي حسان ، لكن بالنسبة ليحي الفخرانى فهو مقدم مسلسل كارتون قمة فى الروعة و الجمال ، مسلسل دينى و كارتون بدلاً عن مسلسل الصلصال الذى تربينا عليه جميعاً ، بالنسبة موضوع النساء فأنا أول مرة أعلم إن النظر للمرأة حرام ، لو كدا فعلا يبقى حياتنا كلها حرام لإننا طوول ما ماشيين فى الشارع و دا أبسط مثال الشارع ملىء بالنساء و الأطفال و الرجال أنا اعرف إلا لو حضرتك تقصد شىء تانى و انا لم أفهمه و أنا معاك إن فيه مسلسلات منتهى الـ ...... لكن فيه مسلسلات محترمة و هادفة و دى مسئولية المشاهد إنه يقارن بين المسلسلات الهادفة و الغير هادفة ، بالنسبة لنقطة الجلوس على الإنترنت فهذه وجهات نظر ، و انا احترم وجهة نظرك حتى لو مخالفة لوجهة نظرى ، و تقبل تحياتى لك عزيزي حسان

و أرجو تحمل تطفلي

شكراً على التوضيح